2026-09-29T02:41:58Zhttps://skemman.is/oai/request

oai:skemman.is:1946/505512025-09-10T12:46:46Zcom_1946_35053com_1946_3515col_1946_35054

Landbúnaðarháskóli Íslands Ásdís Björk Friðgeirsdóttir 1974- Björn Traustason 1971- Úlfur Óskarsson 1957- Mikið gagnasafn úr íslenskum nýskógræktarverkefnum er geymt í gagnagrunni Lands og skógar en úrvinnsla á þeim upplýsingum er skammt á veg komin. Í þessari ritgerð er unnið úr hluta þessara upplýsinga með samanburði á vali trjátegunda í upphaflegum ræktunaráætlunum og upplýsinum í framkvæmdaskráningu verkefna. Jafnframt var reynt að komast að mögulegum ástæðum fyrir vali annarra tegunda en áætlað var í upphafi og hvort munur væri á milli landshluta að því leyti. Einnig var skoðað hvernig megintrjátegundirnar í íslenskri skógrækt eru áætlaðar í mismunandi landgerðir miðað við gögn um ráðgjöf í ræktunaráætlunum. Í verkefninu voru töluleg gögn úr gagnagrunninum greind í ArcGIS Pro 3.4.0 og unnið með gögnin í Excel. Rætt var við skógræktarráðgjafa í öllum landshluta sem lögðu mat sitt á niðurstöðurnar og veittu upplýsingar og ábendingar. Yfirleitt var góð samsvörun á milli ræktunaráætlana og framkvæmdaskráninga, en frávik komu þó víða fram. Ræktunaráætlunum var síst fylgt þar sem alaskaösp hafði verið áætluð. Það sem gæti skýrt misræmi á milli ræktunaráætlunar og framkvæmdaskráningu er skortur á framboði valinna tegunda, ónákvæmni við upphaflega greiningu á landgerð og áætlaðs nærviðris, ásamt ýmsum tæknilegum og mannlegum þáttum. Niðurstöðurnar fyrir val trjátegunda eftir landgerðum sýna að stafafuru, ilmbjörk og rússalerki er valinn staður í rýrari jarðvegi en sitkagreni og alaskaösp. Greiningin sýnir vel að ræktunaráætlanir eru og eiga að vera lifandi plagg sem getur tekið breytingum á framkvæmdatímanum. Áætlanir geta mótast af einstaklingsbundnu mati en þurfa alltaf á endanum að taka tillit til annara þátta, eins og plöntuframboðs, óvæntra aðstæðna og álits landeigenda og annarra skógræktarráðgjafa. Líkur eru á því að greining skráðra upplýsinga úr nýskógræktarverkefnum muni nýtast vel til að bæta skógræktarráðgjöf. 2025-06-11T09:28:21Z 2025-06-11T09:28:21Z 2025-06-11T09:28:22Z 2025-05-01T14:46:19Z 2025-04 https://hdl.handle.net/1946/50551 is Skógfræði Ræktunaráætlun Framkvæmdaskráning Landgerðir Stafafura Birki Rússalerki Sitkagreni Alaskaösp Skógræktarráðgjöf Landupplýsingar Greining á skráðum upplýsingum úr nýskógræktarverkefnum Analysis of afforestation records from the Icelandic forestry database. Thesis Bachelor's