2026-10-03T00:51:30Zhttps://skemman.is/oai/request

oai:skemman.is:1946/505572025-10-29T14:10:02Zcom_1946_35059com_1946_3515col_1946_35060

Landbúnaðarháskóli Íslands Arna Jara Jökulsdóttir 2001- Páll Jakob Líndal 1973- Í sífellt hraðari og streituvaldandi nútímasamfélagi leitar fólk í auknu mæli út fyrir daglegt umhverfi sitt til að ná jafnvægi og upplifa endurheimt. Markmið þessa verkefnis er að varpa ljósi á hvernig frístundahús geta stutt við sálfræðilega endurheimt og heilsu. Sérstök áhersla er lögð á kenninguna um endurheimta athygli (Attention Restoration Theory), þar sem fjórir meginþættir, fjarlægð, hrifning, umfang og samþýðanleiki, eru taldir lykilatriði í því hvernig umhverfi geti stutt við sálfræðilega endurheimt. Verkefnið samanstendur af fræðilegri samantekt ásamt könnun á upplifun notenda frístundahúsa í Skorradal. Framkvæmd var spurningakönnun meðal frístundahúsaeigenda og bárust alls 59 svör. Niðurstöður voru nýttar til að móta hönnunartillögu með áherslu á að skapa rými sem styðja við sálfræðilega endurheimt. Helstu niðurstöður benda til þess að frístundahús gegni mikilvægu hlutverki í lífi fólks sem vettvangur fyrir hvíld, ró og tengingu við náttúru. Ástæður þess að eiga frístundahús tengdust helst löngun til að komast burt frá daglegu amstri, upplifa kyrrð og tengjast náttúrulegu umhverfi. Þeir þættir í umhverfinu sem þátttakendur töldu styðja við endurheimt voru einkum, náttúra, kyrrð, vatn og tilfinningaleg tengsl. Meirihluti þátttakenda taldi mjög líklegt að dvöl í frístundahúsi þeirra stuðli að sálfræðilegri endurheimt. Á grundvelli niðurstaðna var mótuð hönnunartillaga fyrir svæði í Skorradal þar sem lögð var áhersla á að styrkja náttúrulega eiginleika og skapa rými fyrir ró, einrúm og tengingu við náttúru. Niðurstöður verkefnisins styðja við þá hugmynd að frístundahús í náttúrulegu umhverfi geti stuðlað að sálfræðilegri endurheimt, aukinni vellíðan og heilsueflingu í samfélaginu. 2025-06-11T09:50:03Z 2025-06-11T09:50:03Z 2025-06-11T09:50:04Z 2025-05-27T19:21:28Z 2025-05 https://hdl.handle.net/1946/50557 is Landslagsarkitektúr Frístundahús Frístundabyggð Sálfræðileg endurheimt Heilsa og vellíðan Skorradalshreppur Frístundahúsaeigendur Náttúran Endurheimtandi umhverfi Sálfræðileg endurheimt í frístundahúsum: Áhrif umhverfis á vellíðan og heilsu Psychological restoration in second homes: The impact of the environment on well-being and health Thesis Bachelor's