2026-10-05T05:00:42Zhttps://skemman.is/oai/request

oai:skemman.is:1946/517082025-11-27T09:21:49Zcom_1946_2059com_1946_2057col_1946_2065

Háskóli Íslands Bertha Sóley Sverrisdóttir 1999- Jóna Margrét Ólafsdóttir 1969- Rannsóknin fjallar um upplifun mæðra sem eiga ungmenni með vímuefnaröskun og varpar ljósi á hvernig slíkar aðstæður hafa áhrif á móðurhlutverkið,fjölskyldukerfið og líðan mæðranna sjálfra. Markmið rannsóknarinnar var að dýpka skilning á reynslu þeirra og draga fram hvernig þær takast á við daglegt líf í skugga óvissu, áhyggja og vonar. Rannsóknin byggir á eigindlegri aðferðafræði þar sem tekin voru viðtöl við átta mæður sem eiga ungmenni með vímuefnaröskun. Gögnin voru greind með þemagreiningu. Kenningarlegur rammi rannsóknarinnar byggir á kerfiskenningu Bowen, tengslakenningu Bowlby og stimplunarkenningu Becker sem veita innsýn í tilfinningaleg og félagsleg ferli innan fjölskyldunnar. Niðurstöðurnar gefa til kynna að líf mæðranna sé stöðug togstreita milli ótta og vonar þar sem báðar tilfinningarnar eru ávallt til staðar. Þær upplifa ábyrgð, skömm og félagslega einangrun en sýna jafnframt seiglu og djúpa umhyggju. Mæðurnar virkja umönnunarkerfi sitt jafnvel þegar það leiðir til þess að eigin þarfir víkja. Þær upplifa sig oft stimplaðar með barninu og að skömmin nái einnig til þeirra sjálfra. Ályktanir rannsóknarinnar undirstrika mikilvægi þess að þjónusta nái ekki einungis til barnsins heldur einnig foreldra þar sem heildræn nálgun getur stutt við líðan og bata allra innan fjölskyldunnar. Lykilorð: Mæður, ungmenni, vímuefnaröskun, fjölskyldukerfi, stuðningskerfi 2025-11-27T09:21:45Z 2025-11-27T09:21:45Z 2025-11-27T09:21:49Z 2025-11-26T16:20:40Z 2025-11 https://hdl.handle.net/1946/51708 is Félagsráðgjöf Mæður Ungt fólk Fíkniefnaneysla Stuðningsúrræði Reynsla mæðra sem eiga ungmenni með vímuefnaröskun Thesis Master's