2026-10-02T04:42:25Zhttps://skemman.is/oai/request

oai:skemman.is:1946/520982026-02-14T15:27:39Zcom_1946_2007com_1946_1992col_1946_2009

Háskólinn á Bifröst Rósa Soffía Haraldsdóttir 1981- Rakel Heiðmarsdóttir 1972- Markmið þessarar rannsóknar var að kanna hvort tengsl væru á milli vinnuhelgunar og veikindafjarvista starfsmanna sveitarfélaga á Íslandi, auk þess að skoða hvort munur kæmi fram milli kynslóða. Framkvæmd var megindleg rannsókn þar sem gögnum var safnað með rafrænni spurningakönnun. Vinnuhelgun var mæld með staðlaða kvarðanum Utrecht Work Engagement Scale (UWES-17) og þátttakendur svöruðu einnig spurningum varðandi veikindafjarvistir, menntun, starfsaldur, starfssvið og upplifun af stjórnunarháttum. Niðurstöður sýndu að vinnuhelgun meðal starfsmanna sveitarfélaga var almennt há. Ekki fundust marktæk tengsl milli vinnuhelgunar og veikindafjarvista, þó ákveðið mynstur hafi verið til staðar sem bendir til þess að há vinnuhelgun tengist færri veikindafjarvistum. Marktæk og jákvæð tengsl komu fram milli stjórnunarhátta og vinnuhelgunar, sem sýnir mikilvægi stuðnings og viðurkenningar stjórnenda í að efla helgun starfsmanna. Einnig komu fram tengsl milli menntunar og vinnuhelgunar, þar sem hærra menntunarstig virðist tengjast meiri vinnuhelgun. Niðurstöður rannsóknarinnar benda til þess að einstaklingsbundnir og starfstengdir þættir, frekar en kynslóðamunur, hafi áhrif á vinnuhelgun og veikindafjarvistir. Niðurstöðurnar gefa sveitarfélögum tilefni til að leggja aukna áherslu á styðjandi stjórnunarhætti og jákvætt vinnuumhverfi sem svo stuðlar að heilbrigðri vinnuhelgun og minni veikindafjarvistum. 2026-02-14T15:27:35Z 2026-02-14T15:27:35Z 2026-02-14T15:27:39Z 2026-01-22T13:46:57Z 2025-01 https://hdl.handle.net/1946/52098 is Starfsfólk Sveitarfélög Fjarvistir Starfsánægja Kynslóðabil Stjórnunarhættir Vinnuhelgun og veikindafjarvistir starfsmanna sveitarfélaga á Íslandi Thesis Master's