2026-09-30T13:27:34Zhttps://skemman.is/oai/request

oai:skemman.is:1946/523002026-04-16T10:45:36Zcom_1946_2059com_1946_2057col_1946_2066

Háskóli Íslands Sunneva Lind Benónýsdóttir 2001- Ásta Snorradóttir 1967- Ritgerðin er lokaverkefni til BA-gráðu í félagsráðgjöf og fjallar um áhrif kynferðisofbeldis í æsku á tengslamyndun og seiglu á fullorðinsárum. Ritgerðin byggir á fræðilegu yfirliti þar sem kannað er hvaða verndandi þættir og aðferðir geta stutt einstaklinga sem urðu fyrir kynferðisofbeldi í æsku við að rjúfa vítahring ofbeldissambanda. Fjallað er um skilgreiningar á kynferðisofbeldi í æsku, algengi þess og umfang, sem og hugmyndina um vítahring ofbeldissambanda. Einnig eru helstu fræðikenningar kynntar, þar á meðal tengslakenningin, vistfræðikenningin og sjónarhorn áhættu og seiglu. Líkamlegar og sálrænar afleiðingar kynferðisofbeldis í æsku eru greindar, auk áhrifa þess á tengslamyndun og náin sambönd á fullorðinsárum. Þá er fjallað um verndandi þætti í bernsku, seiglu í kjölfar áfalla og leiðir til að rjúfa vítahring ofbeldissambanda, þar á meðal meðferðar- og stuðningsúrræði. Einnig er fjallað um það hvert hlutverk félagsráðgjafa í vinnu með börnum og fullorðnum er. Niðurstöður benda til þess að vítahringur ofbeldissambanda sé ekki óhjákvæmilegur heldur mótist af verndandi þáttum á mismunandi stigum, hjá einstaklingum sjálfum, innan fjölskyldunnar og í samfélaginu. Jafnframt undirstrikar það mikilvægi áfallamiðaðrar nálgunar í starfi félagsráðgjafa. 2026-04-16T10:45:30Z 2026-04-16T10:45:30Z 2026-04-16T10:45:36Z 2026-04-15T20:56:09Z 2026-04 https://hdl.handle.net/1946/52300 is Félagsráðgjöf Kynferðisleg misnotkun barna Tengslamyndun Seigla (persónuleikasálfræði) Áhrif kynferðisofbeldis í æsku á tengslamyndun og seiglu: Að rjúfa vítahringinn Thesis Bachelor's