2026-10-04T22:49:40Zhttps://skemman.is/oai/request

oai:skemman.is:1946/525202026-04-24T08:14:04Zcom_1946_2062com_1946_2057col_1946_2092

Háskóli Íslands Erna Sigurlilja Ólafsdóttir 2003- Ásta Kristín Benediktsdóttir 1982- Ritgerð þessi er lögð fram til BA-prófs í íslensku á Hugvísindasviði Háskóla Íslands. Umfjöllunarefni hennar er birtingarmyndir geðsjúkdóma, nánar tiltekið geðhvarfasýki og geðklofa í skáldsögunum Ljósu og Englum alheimsins. Í fyrsta hluta ritgerðarinnar er farið stuttlega yfir menningarlegt og bókmenntafræðilegt samhengi geðsjúkdóma og sögu sturlunar. Því næst er framsetning og miðlun geðsjúkdóma í bókmenntum skoðuð út frá myndmáli og frásagnaraðferð. Dæmi úr bókunum Aurélia eftir Gérard de Nerval og An Unquiet mind eftir Kay Jamison verða tekin fyrir í samhengi við geðklofa og geðhvarfasýki. Í seinni hluta ritgerðarinnar eru bækurnar Ljósa og Englar alheimsins til umfjöllunar og skoðaðar í tengslum við birtingarmyndir geðhvarfasýki í Ljósu og geðklofa í Englum alheimsins. Þá er myndmál og frásagnaraðferð greind og rætt um hvernig slíkar aðferðir geta miðlað geðsjúkdómum. Út frá niðurstöðum ritgerðarinnar má álykta að ákveðnar tegundir myndmáls og tilteknar frásagnaraðferðir geti gegnt lykilhlutverki í að miðla geðsjúkdómum sögupersóna á trúverðugan hátt, einkum þegar höfundar byggja á reynslu sem er ekki þeirra eigin. 2026-04-24T08:14:00Z 2026-04-24T08:14:00Z 2026-04-24T08:14:04Z 2026-04-22T21:41:54Z 2026-04 https://hdl.handle.net/1946/52520 is Íslenska (námsgrein) Handan orðanna. Birtingarmyndir geðsjúkdóma í skáldsögunum Ljósu og Englum alheimsins Thesis Bachelor's