2026-09-26T08:15:08Zhttps://skemman.is/oai/request

oai:skemman.is:1946/528792026-05-06T12:37:07Zcom_1946_2059com_1946_2057col_1946_2066

Háskóli Íslands Katrín Anna Karlsdóttir 2003- Erla Sólveig Kristjánsdóttir 1958- Að stofna fyrirtæki krefst hugmynda, frumkvæðis og þrautseigju, en leiðin frá hugmynd að rekstri ræðst einnig af því hvort frumkvöðlar fá aðgang að fjármagni, upplýsingum og stuðningi þegar mest á reynir. Þrátt fyrir sterka stöðu Íslands í jafnréttisumræðu benda bæði fyrri rannsóknir og reynsla úr atvinnulífi til þess að aðstæður kvenna í frumkvöðlastarfi kunni að vera mótaðar af öðrum þáttum en einungis gæðum viðskiptahugmyndar eða rekstraráætlunar. Markmið rannsóknarinnar var að varpa ljósi á hvernig íslenskir kvenfrumkvöðlar upplifa hindranir í fjármögnun nýrra fyrirtækja í íslensku atvinnulífi. Beitt var eigindlegri rannsóknaraðferð og tekin hálfstöðluð viðtöl við fimm íslenskar konur sem eiga það sameiginlegt að hafa stofnað fyrirtæki, byggt upp rekstur og reynt að afla fjármögnunar á einhverju stigi þess ferils. Gögnin voru greind með þemagreiningu. Niðurstöður sýna að fjármögnunarhindranir birtust ekki aðeins í skorti á fjármagni sem slíku heldur einnig í óskýru aðgengi að upplýsingum, torlesnu stuðningsumhverfi, vægi tengslaneta og mati annarra á trúverðugleika frumkvöðulsins. Þá kom fram að eigið fé, stuðningur fjölskyldu og sjálfsfjármögnun gegndu lykilhlutverki í upphafi rekstrar, á meðan formlegt fjármagn kom oft seint til sögunnar eða alls ekki. Einnig lýstu þátttakendur vanmati, efasemdum og sönnunarbyrði í samskiptum við banka, samstarfsaðila og aðra aðila í rekstrarumhverfinu. Rannsóknin varpar þannig ljósi á hvernig samspil kyns, fjármögnunar og frumkvöðlastarfs mótar reynslu kvenna af því að skapa sér rými í íslensku atvinnulífi. 2026-05-06T12:37:02Z 2026-05-06T12:37:02Z 2026-05-06T12:37:07Z 2026-05-06T12:11:48Z 2026-05 https://hdl.handle.net/1946/52879 is Viðskiptafræði Frumkvöðlar Að sækja fjármagn og skapa sér rými: Upplifun íslenskra kvenfrumkvöðla af hindrunum í fjármögnun í íslensku atvinnulífi Thesis Bachelor's