2026-10-01T13:09:11Zhttps://skemman.is/oai/request

oai:skemman.is:1946/529882026-05-11T15:56:19Zcom_1946_130com_1946_2057col_1946_289

Háskóli Íslands Thelma Rúnarsdóttir 1990- Anna Björk Sverrisdóttir 1971- Helga Helgadóttir 1978- Í ljósi aukinnar áherslu á inngildandi menntun og vaxandi vitundar um taugafjölbreytileika er mikilvægt að þróa námsumhverfi sem mætir fjölbreyttum þörfum nemenda. Þessi rannsókn fjallar um þróun námsumhverfis og skynvæns rýmis í námsveri fyrir skynsegin nemendur og hvernig slíkar breytingar geta stutt við skynþarfir nemenda innan inngildandi menntakerfis. Tilgangur rannsóknarinnar er að efla þekkingu og skilning á skynjun og skynúrvinnslu og hvernig umhverfið hefur áhrif á hegðun og líðan nemenda. Markmið rannsóknarinnar er að skoða hvaða leiðir ég fer til að mæta skynþörfum nemenda minna en nemendur voru virkir þátttakendur í rannsóknarferlinu ásamt samstarfsfólki. Rannsóknin var framkvæmd sem starfendarannsókn á mínum starfsvettvangi í grunnskóla, skólaárið 2024-2026. Gagna var aflað með fjölbreyttum aðferðum, meðal annars vettvangsheimsóknum, ígrundandi samtölum við fagfólk, athugunum í starfi, rannsóknardagbók og með því að hlusta á raddir og upplifanir nemenda í daglegu skólastarfi. Niðurstöður rannsóknarinnar benda til þess að aukinn skilningur á skynupplifun nemenda geti haft veruleg áhrif á hvernig kennarar túlka hegðun og bregðast við þörfum nemenda í skólaumhverfinu. Uppsetning skynvæns rýmis í námsveri og breytingar á skipulagi námsumhverfis skapaði aðstæður sem gáfu nemendum tækifæri til að ná jafnvægi, taka hlé frá skynáreytum og örva eða virkja skynkerfin sín eftir þörfum. Rannsóknin byggir jafnframt á réttindum barna til þátttöku og tjáningar og undirstrikar mikilvægi þess að túlka hegðun nemenda í ljósi skynupplifunar þeirra og að hlustað sé á raddir nemenda af virðingu og tekið sé mark á þeirra upplifun. Niðurstöður varpa ljósi á hvernig aðlögun umhverfis getur stuðlað að aukinni vellíðan, þátttöku og öryggi nemenda og styrkt inngildandi starfshætti í skólastarfi. 2026-05-11T15:56:14Z 2026-05-11T15:56:14Z 2026-05-11T15:56:19Z 2026-05-11T14:51:43Z 2026-05 https://hdl.handle.net/1946/52988 is Menntun allra og sérkennslufræði Námsumhverfi Áhrif skynjunar á hegðun og líðan. Skynvænt rými í námsveri fyrir skynsegin nemendur Thesis Master's