2026-09-26T03:06:45Zhttps://skemman.is/oai/request

oai:skemman.is:1946/536802026-06-09T14:01:00Zcom_1946_35059com_1946_3515col_1946_35060

Landbúnaðarháskóli Íslands Agnes Björk Stefánsdóttir 1996- Fríða Björg Eðvarðsdóttir 1959- Uppbygging landeldis hefur á síðustu árum aukist hratt á Íslandi samhliða tækniframförum og vaxandi fjárfestingum í greininni. Nýjar landeldisstöðvar eru í mörgum tilfellum umfangsmiklar framkvæmdir sem rísa á opnum strandsvæðum þar sem stór mannvirki, regluleg byggingarform og tæknilegir innviðir verða áberandi í landslaginu. Þrátt fyrir þessa þróun hefur megináhersla í skipulagi og hönnun slíkra svæða oft verið lögð á tæknilega og rekstrarlega þætti á meðan ásýnd, upplifun og tengsl svæðanna við nærliggjandi samfélag hafa fengið minna vægi. Í þessu verkefni er fjallað um hvernig uppbygging landeldis mótar ásýnd og upplifun íslensks landslags og með hvaða hætti landslagsarkitektúr getur stuðlað að betri samþættingu slíkra mannvirkja við umhverfi sitt. Á grundvelli þessarar greiningar eru settar fram hönnunartillögur sem leitast við að draga úr sjónrænum áhrifum landeldisins og styrkja tengsl svæðisins við nærliggjandi landslag. Í tillögunum er meðal annars unnið með landslagsmótun, gróður, stígakerfi, aðgengi að strandlínu og bætta hönnun innan iðnaðarsvæðisins sjálfs. Einnig er horft til nýtingar seyru frá landeldinu sem auðlindar í uppgræðslu og landslagshönnun. Með verkefninu vill höfundur sýna fram á að uppbygging landeldis þurfi ekki sjálfkrafa að verða á kostnað landslagsgæða og upplifunar. Með markvissri og snemmbærri aðkomu landslagsarkitektúrs felast tækifæri til að þróa heildstæðari lausnir þar sem atvinnuuppbygging, útivist og gæði umhverfis geta farið saman. 2026-06-09T14:00:56Z 2026-06-09T14:00:56Z 2026-06-09T14:00:59Z 2026-05-04T08:44:23Z 2026-05 https://hdl.handle.net/1946/53680 is Landslagsarkitektúr Landeldi Iðnaðarlandslag Sjónræn áhrif Strandsvæði Samþætt hönnun Þorlákshöfn Landeldi sem landslag: Hlutverk landslagsarkitektúr í skipulagi og mótun landeldissvæða á Íslandi Thesis Bachelor's