2026-09-26T15:20:09Zhttps://skemman.is/oai/request

oai:skemman.is:1946/536812026-06-09T14:03:41Zcom_1946_35059com_1946_3515col_1946_35060

Landbúnaðarháskóli Íslands Alexandra Ósk Reynisdóttir 2004- Ása Katrín Bjarnadóttir 1990- Í þessari ritgerð er fjallað um endurhönnun tjaldsvæðis við Kalmansvík á Akranesi með áherslu á upplifun, skipulag og tengsl við náttúru. Markmið verkefnisins er að þróa hönnunartillögu sem bætir notagildi svæðisins og styrkir tengsl gesta við náttúru og umhverfi, með hliðsjón af náttúrulegum og menningarsögulegum eiginleikum þess. Verkefnið byggir á fræðilegri umfjöllun um áhrif náttúru á líðan og hegðun, hlutverk blárra svæða, staðaranda og ferðavenjur, auk þess sem atferli tjaldsvæðisgesta og mikilvægi blágrænna ofanvatnslausna eru skoðuð. Jafnframt eru greind fordæmi sem varpa ljósi á mismunandi nálganir í hönnun tjaldsvæða og útivistarsvæða. Í framhaldi er gerð greining á Kalmansvík þar sem fjallað er um landslag, lífríki, veðurfar, fornleifar og núverandi aðstæður svæðisins. Niðurstöður greiningarinnar sýna að svæðið býr yfir miklum gæðum en einnig ákveðnum áskorunum, meðal annars tengdum frárennsli, skipulagi og aðgengi. Að lokum er sett fram hönnunartillaga sem byggir á niðurstöðum greiningar og fræðilegrar umfjöllunar. Tillagan leggur áherslu á skýrt skipulag, bætta yfirborðsmeðferð, aukið aðgengi og styrkingu tengsla við náttúru og staðaranda. Markmiðið er að skapa aðlagandi og sjálfbært tjaldsvæði sem mætir þörfum ólíkra notendahópa, eykur gæði upplifunar gesta og nýtir sérstöðu svæðisins. 2026-06-09T14:03:37Z 2026-06-09T14:03:37Z 2026-06-09T14:03:41Z 2026-05-27T14:00:34Z 2026-05 https://hdl.handle.net/1946/53681 is Landslagsarkitektúr Tjaldsvæði Kalmansvík Notendaupplifun Tengsl við náttúru Útivistarsvæði Skipulag rýmis Ofanvatnslausnir Staðarandi Endurhönnun tjaldsvæðisins á Akranesi. Upplifun, skipulag og tengsl við náttúru Thesis Bachelor's