2026-09-27T04:17:02Zhttps://skemman.is/oai/request

oai:skemman.is:1946/66522018-10-15T09:32:27Zcom_1946_2007com_1946_1992col_1946_2008

Háskólinn á Bifröst Sigurður Ragnar Arnarsson 1987- Guðmundur Ólafsson 1947- Í ritgerðinni er leitast við að finna út hvort auknar álögur á áfengi skili meiri tekjum í ríkissjóð. Sýnt er fram á hvernig áfengisneysla Íslendinga hefur þróast síðastliðinn áratug og hún borin saman við nágrannalönd Íslands. Kannað var hver stefna stjórnvalda er í áfengismálum og hún borin saman við hvernig áfengisneysla hefur þróast, í því skyni að sjá hvort sú stefna hefur í raun skilað tilætluðum árangri. Athugað var hvernig stjórnvöld skilgreina áfengi ásamt því að fara stuttlega yfir hvaða áhrif það getur haft á heilsufar neytenda og hvaða þjóðhagslegur kostnaður myndast við neyslu þess. Skoðað var hvernig söguleg þróun áfengisgjalda hefur verið á Íslandi og hvort samræmi sé á milli þeirra og vísitölu neysluverðs. Ytri þættir sem geta haft áhrif á áfengisneyslu Íslendinga og þar af leiðandi tekjur ríkissjóðs voru skoðaðir en þeir voru vísitala neysluverðs, kaupmáttur launa og mannfjöldi. Ásamt því að kanna ytri þætti var athugað hvort smygl og heimabrugg hafi aukist til muna í kjölfar efnahagskreppunnar. Að lokum eru reiknaðar út tekjur ríkissjóðs í gegnum smásölu Áfengis- og tóbaksverslun ríkisins sem samanstanda af áfengisgjöldum, virðisaukaskatti og arðgreiðslum Áfengis- og tóbaksverslunar ríkisins. Settar voru upp þrjár sviðsmyndir til að kanna hverjar tekjur ríkissjóðs hefðu verið miðað við breyttar forsendur. Voru áfengisgjöld látin haldast óbreytt en eftirspurn ákvörðuð miðað við 5%, 10% og 15% hækkun í sölumagni á hreinum vínanda. Að lokum var framkvæmd núllpunktsgreining á því hvað sala hefði þurft að aukast mikið til að brúa bilið á milli teknanna sem hefðu skapast. 2010-10-21T10:58:07Z 2010-10-21T10:58:07Z 2010-10-21 2010-09 http://hdl.handle.net/1946/6652 is Viðskiptafræði Skattar Álagning Ríkissjóður Skila auknar álögur á áfengi meiri tekjum í ríkissjóð Thesis Bachelor's